പാഴ്കിനാവ്

വിജനതയില്‍ നീ വിധിയെ പഴിച്ചു നടക്കുമ്പോഴും
നീയറിഞ്ഞിരുന്നില്ലാ പുഷ്പതല്പംഒരുക്കി
അപ്സരസ്സുകള്‍ നിനക്ക് കാവലിരുന്നത്
മൃതസഞ്ജീവനി തേടി നടക്കുമ്പോഴും
നിന്‍റെ മുന്നില്‍ത്തന്നെ അത്   തുറന്നു കിടപ്പുണ്ടായിരുന്നു -
എന്നതും നീയറിഞ്ഞിരുന്നില്ല
ഏദെന്‍ തോട്ടത്തില്‍  വിഷക്കനിക്കുവെണ്ടി
കൈനീട്ടുമ്പോഴും  നീയറി ഞ്ഞിരുന്നില്ല _
മധുരമെന്നത് നിന്‍റെ സങ്കല്പം മാത്രമായിരുന്നുവെന്ന്
പാഴ്കിനാവുകളായിരുന്നു എന്നും നിന്‍റെ വഴികാട്ടി
തേടാതെ തന്നെ എല്ലാം നിന്നരികിലേക്കു വന്നു
പക്ഷേ നിന്‍റെ കണ്ണുകളൊന്നും കണ്ടില്ല
അത് അടഞ്ഞു തന്നെയിരുന്നു.....